🔮【占卜師手記】

第一次約會前嚟占卜，佢問：「我約到佢出嚟，會唔會成功？」

早排有個客人嚟搵我占卜，想問暗戀已久嘅對象終於答應出嚟見面，今次有冇機會發展。

我幫佢睇牌，信息好清晰：

💡「有機會，但重點係自然、放鬆嘅相處節奏。」

⚠️「過份緊張同急於表現，反而會出現反效果。」

我提醒佢：準備唔等於要完美，調整心態先係關鍵。

唔使演一個“最好版本”，做返真正嘅自己就好。

佢點頭話：「明白，我會放鬆啲。」但點知，約會完返嚟搵我嘅時候，佢自己都苦笑…

氣氛原本幾好，但佢太緊張…講多咗，嚇親人。

佢話約會一開始其實幾順利，傾得幾開心，直到佢開始「想講出自己幾認真」

✅ 前一日親自踩點行晒聚會路線

✅ 一個人試食間餐廳、記好啱share菜式

✅ IG search 曬對方興趣，set好話題

✅ 仲 rehearse 過自我介紹，希望比對方感受到自己細心

但佢將成套準備過程講晒出嚟。原本女仔笑笑口，聽到一半開始靜咗，表情變得尷尬。

佢話：「我本身想表現誠意，點知變咗目的性好強，佢好似唔知點應我…」

最後聚會氣氛轉淡，對方回覆都變得冷靜。

好多時候，我哋唔係做錯咗事，而係「太強求」去想表現好，結果反而弄巧反拙。

💬 真心已經足夠，有時自然反而更動人。

📩 想知你而家準備緊嘅事，會唔會過頭？

🔮 占卜幫你睇清能量方向，做出對齊嘅選擇。